{"id":1917,"date":"2025-07-15T19:27:47","date_gmt":"2025-07-15T19:27:47","guid":{"rendered":"https:\/\/tsvwangen.ch\/?p=1917"},"modified":"2025-07-15T19:27:48","modified_gmt":"2025-07-15T19:27:48","slug":"jugitag-jungs-melchnau","status":"publish","type":"post","link":"https:\/\/tsvwangen.ch\/index.php\/2025\/07\/15\/jugitag-jungs-melchnau\/","title":{"rendered":"Jugitag Jungs Melchnau"},"content":{"rendered":"\n

Auso mir hei \u00fcs am Morge fr\u00fcech 6\u00b0\u00b0 bir aute Turnhaue troffe.
Si de aschliessend mit em Car uf M\u00e4uchnou und hei \u00fcs de mou igrichtet und ufgw\u00e4rmt, etc.<\/p>\n\n\n\n

Am 8\u00b0\u00b0 isches de losgange mit em Liechtathletikteil. Mir hei trotz em Chaos und Verzug r\u00e4cht guet abgschnitte und sogar 4 Medaille ghout i de Einzudiszipline \/ Leichtathletik.<\/p>\n\n\n\n

Churz vorem Mittag hei de d Spiu agfange. Zersch Turmbau (Unterstufe), Fly-Eye (Mittustufe) und Tchoukball (Oberstufe).
D\u00f6rt hei mir tats\u00e4chlech 2 Pok\u00e4u aus Sieger ghout. Turmbau und Fly-Eye si e voue Erfoug gsi.
Bim Tchoukbau hets leider nid gl\u00e4ngt.<\/p>\n\n\n\n

Aschliessend isch no s Seilizieh gsi wo mir ebefaus zw\u00f6i Pok\u00e4u ghout hei.<\/p>\n\n\n\n

zum Abschluss hets de no Staffette g\u00e4h. D\u00f6rt hets trotz starcher Leischtig leider nid gl\u00e4ngt f\u00fcr ne Sieg.<\/p>\n\n\n\n

Aschliessend si mir nach dr Rangverk\u00fcndigung wieder mit em Car (singend) retour gfahre.<\/p>\n\n\n\n

Vor Ort hets no die interni Rangverk\u00fcndigung g\u00e4h wo no Diplom und Chr\u00fczli wie immer verteilt si worde.<\/p>\n\n\n\n

Ps: de ganz Tag hei mir bi knackige +\/- 34\u00b0 und Sunneschien verbrocht. Es isch eifach num\u00e4 heiss gsi.<\/p>\n\n\n\n