auso…. es isch HEISS gsi!!🥵
mir hei üs besammlet, igwermt und si am achti ready gsi füre start vo de liechtathletik-diszipline.
Fürs bäuele hei mer öppe 10 min müesse ufnes fäud use loufe. När hets e churzi pouse gäh, bevors de ou scho mit de spili isch wiitergange. D ching hei sech tapfer gschlage (obwouhs när nid fürne qualifikation fürs finale glängt het). De hets e Leitersitzig gäh, wo entschiide isch worde, dass s seilizieh wäge 50 min verspötig bim tchoukball u der grosse hitz abgseit wird. Üsne Jugimeitli isch das grad rächt gsi 😂… Die, wo hei wöue, hätte nach der rangverchündigung no chönne gäge nang zieh. Drum hei jetz aui mou richtig zyt gha, sech z verpflege u de isches när nach de drü mit de stafette wiiter gange. Dört het sech d ungerstufe dr dritt rang ergatteret🥳🥳🥰!!! D Anja Wagner hets ou im liechtathletik ufs podest gschafft (gratuliere💪🏻💪🏻). Mit der rangverchündigung het när üse lang, asträngend, aber ou lustig tag gändet☀️☀️
