Auso mir hei üs am Morge früech 6°° bir aute Turnhaue troffe.
Si de aschliessend mit em Car uf Mäuchnou und hei üs de mou igrichtet und ufgwärmt, etc.
Am 8°° isches de losgange mit em Liechtathletikteil. Mir hei trotz em Chaos und Verzug rächt guet abgschnitte und sogar 4 Medaille ghout i de Einzudiszipline / Leichtathletik.
Churz vorem Mittag hei de d Spiu agfange. Zersch Turmbau (Unterstufe), Fly-Eye (Mittustufe) und Tchoukball (Oberstufe).
Dört hei mir tatsächlech 2 Pokäu aus Sieger ghout. Turmbau und Fly-Eye si e voue Erfoug gsi.
Bim Tchoukbau hets leider nid glängt.
Aschliessend isch no s Seilizieh gsi wo mir ebefaus zwöi Pokäu ghout hei.
zum Abschluss hets de no Staffette gäh. Dört hets trotz starcher Leischtig leider nid glängt für ne Sieg.
Aschliessend si mir nach dr Rangverkündigung wieder mit em Car (singend) retour gfahre.
Vor Ort hets no die interni Rangverkündigung gäh wo no Diplom und Chrüzli wie immer verteilt si worde.
Ps: de ganz Tag hei mir bi knackige +/- 34° und Sunneschien verbrocht. Es isch eifach numä heiss gsi.
